ಭಾರತ-ಯುಕೆ ಮುಕ್ತ ವ್ಯಾಪಾರ ಒಪ್ಪಂದ ಜಾರಿ:
ಭಾರತ ಮತ್ತು ಯುಕೆ ಎರಡು ದೇಶಗಳ ನಡುವಿನ ಬಾಂಧವ್ಯದಲ್ಲಿ ಜುಲೈ 15 2026ರ ಇವತ್ತಿನ ದಿನ ಸುವರ್ಣಾಕ್ಷರಗಳಲ್ಲಿ ಬರೆಯುವಂತಹ ದಿನ. ಹಲವು ವರ್ಷಗಳ ಕಾಲದಿಂದ ಮಾತುಕತೆ ಹತ್ತಾರು ಸುತ್ತಿನ ರಾಜತಾಂತ್ರಿಕ ಚರ್ಚೆಗಳು ಹಾಗೂ ಜಾಗತಿಕ ಆರ್ಥಿಕ ಅಡೆತಡೆಗಳು ನಡುವೆಯೂ ಉಭಯ ದೇಶಗಳ ನಡುವಿನ ಐತಿಹಾಸಿಕ ಮುಕ್ತ ವ್ಯಾಪಾರ ಒಪ್ಪಂದವು ಇವತ್ತಿನಿಂದ ಅಧಿಕೃತವಾಗಿ ಜಾರಿಗೆ ಬಂದಿದೆ.
ಭಾರತೀಯ ವಾಣಿಜ್ಯ ಸಚಿವಾಲಯದ ಕಾರ್ಯದರ್ಶಿ ರಾಜೇಶ್ ಅಗ್ರವಾಲ್ ಅವರು ಇದನ್ನು ಭಾರತದ ವ್ಯಾಪಾರ ಇತಿಹಾಸದಲ್ಲೇ ಅತ್ಯಂತ ಮಹತ್ವಾಕಾಂಕ್ಷೆಯ ಗೋಲ್ಡ್ ಸ್ಟ್ಯಾಂಡರ್ಡ್ ಒಪ್ಪಂದ ಎಂದು ಬಣ್ಣಿಸಿದ್ದಾರೆ. ಬ್ರೆಕ್ಸಿಟ್ ನಂತರದ ಬ್ರಿಟನ್ ಹಾಗೂ ಜಾಗತಿಕ ಉತ್ಪಾದನಾ ಹಬ್ ಆಗಿ ಬೆಳೆಯುತ್ತಿದೆ ಭಾರತದ ಪಾಲಿಗೆ ಈ ಒಪ್ಪಂದವು ಆರ್ಥಿಕ ಬೆಳವಣಿಗೆಯ ಹೊಸ ದೇಶವಾಗಿ ಕೆಲಸ ಮಾಡಲಿದೆ.
ಒಪ್ಪಂದದ ಪ್ರಮುಖ ಅಂಶಗಳು ಮತ್ತು ತಕ್ಷಣದ ಬದಲಾವಣೆಗಳು
ಈ ಗುಪ್ತ ವ್ಯಾಪಾರದ ಒಪ್ಪಂದದ ಅಡಿಯಲ್ಲಿ ಉಭಯ ದೇಶಗಳು ಪರಸ್ಪರರ ಮಾರುಕಟ್ಟೆಗಳಿಗೆ ಸುಲಭ ಹಾಗೂ ತೆರಿಗೆ ರಹಿತ ಪ್ರವೇಶವನ್ನು ಕಟ್ಟಿಕೊಟ್ಟಿದೆ. ಇಂದಿನಿಂದ ಜಾರಿಗೆ ಬರುವಂತೆ ಬ್ರಿಟನ್ ಮಾರುಕಟ್ಟೆಗೆ ರಫ್ತಾಗುವ ಶೇಕಡಾ 99 ರಷ್ಟು ಭಾರತೀಯ ವಸ್ತುಗಳಿಗೆ ಸಂಪೂರ್ಣ ತೆರಿಗೆ ವಿನಾಯಿತಿ ಸಿಗಲಿದೆ
ಅದೇ ರೀತಿ ಭಾರತವು ಕೂಡ ಬ್ರಿಟನ್ನ ಪ್ರಮುಖ ರಫ್ತು ಉತ್ಪನ್ನಗಳ ಮೇಲಿನ ಆಮದು ಸುಂಕವನ್ನು ಆದರ ಪ್ರಕಾರ ಕಡಿತಗೊಳಿಸಿದೆ. ಬ್ರಿಟನ್ನ ಪ್ರಸಿದ್ಧ ಸ್ಕಾಚ್ ವಿಸ್ಕಿ ಮೇಲಿದ್ದ ಶೇ. 150 ರಷ್ಟು ದೊಡ್ಡ ಆಮದು ಸುಂಕವನ್ನು ತಕ್ಷಣವೇ ಶೇ. 75 ಕ್ಕೆ ಇಳಿಸಲಾಗಿದ್ದು,
ಮುಂದಿನ ಹಂತಗಳಲ್ಲಿ ಇದನ್ನು ಶೇ. 40 ಕ್ಕೆ ಇಳಿಸುವ ಗುರಿ ಮುನ್ನಡೆಯಾಗಿದೆ . ಇದರೊಂದಿಗೆ ಬ್ರಿಟನ್ ನಿರ್ಮಿತ ಐಷಾರಾಮಿ ಮತ್ತು ಎಲೆಕ್ಟ್ರಿಕ್ ಕಾರುಗಳ ಮೇಲಿನ ಸುಂಕವನ್ನು ಶೇ. 100 ರಿಂದ ಕೇವಲ ಶೇ. 10 ಕ್ಕೆ ಇಳಿಸಲಾಗಿದೆ.
ಭಾರತದ ರಫ್ತು ಮಾರುಕಟ್ಟೆ ಮತ್ತು ಉದ್ಯೋಗಿಗಳಿಗೆ ಸಿಗುವ ಅನುಕುಲಗಳು
ಈ ಒಪ್ಪಂದದಿಂದ ಭಾರತದ ಜವಳಿ ಚರ್ಮದ ಸರಕುಗಳು ಪಾದರಕ್ಷೆಗಳು ಮತ್ತು ಕೃಷಿ ಆಧರಿತ ತಯಾರಿಸಿದ ಆಹಾರ ಉದ್ಯಮಗಳಿಗೆ ಭಾರಿ ಮಹತ್ವ ಸಿಗಲಿದೆ. ಬ್ರಿಟನ್ನಲ್ಲಿ ಈ ಹಿಂದೆ ಭಾರತದ ತಯಾರಿಸಿದ ಉಡುಪುಗಳ ಮೇಲೆ ಶೇ. 12 ಹಾಗೂ ಚರ್ಮದ ಉತ್ಪನ್ನಗಳ ಮೇಲೆ ಶೇ. 16 ರವರೆಗೆ ತೆರಿಗೆ ಹಾಕಲಾಗಿತ್ತು
ಇವಾಗಿನಿಂದ ಈ ಸುಂಕಗಳು 0ಕ್ಕೆ ಇಳಿಯುವುದರಿಂದ ಪ್ರಪಂಚದ ಮಾರುಕಟ್ಟೆಯಲ್ಲಿ ಭಾರತೀಯ ಉತ್ಪನ್ನಗಳ ಬೆಲೆ ಕಡಿಮೆಯಾಗುತ್ತದೆ ಮತ್ತು ಹಲವು ವಿಷಯಗಳ ಮೇಲೆ ಸ್ಪರ್ಧೆ ಮಾಡಲು ಹೆಚ್ಚುತ್ತದೆ. ಇದು ಭಾರತದ ಲಕ್ಷಾಂತರ ನೇಕಾರರು, ರೈತರು ಮತ್ತು ಸಣ್ಣ ಕೈಗಾರಿಕೆಗಳಿಗೆ ಹೊಸ ಮಾರುಕಟ್ಟೆಯನ್ನು ತೆರೆಯಲಿದೆ.
ಸೇವಾ ವಲಯ ಮತ್ತು ಐಟಿ ಕ್ಷೇತ್ರಕ್ಕೆ ನೆರವು:ಭಾರತದ ಪ್ರಮುಖ ನೆಲೆಯಾಗಿರುವ ಐಟಿ ಹೆಲ್ತ್ಕೇರ್, ಎಂಜಿನಿಯರಿಂಗ್ ಮತ್ತು ಹಣಕಾಸು ಸೇವಾ ವಲಯಕ್ಕೆ ಬ್ರಿಟನ್ನಲ್ಲಿ ಸಂಪೂರ್ಣ ಅವಕಾಶ ಸಿಗುತ್ತದೆ ನುರಿತ ಭಾರತೀಯ ವೃತ್ತಿಪರರಿಗೆ ಬ್ರಿಟನ್ನಲ್ಲಿ ಸುಲಭ ವೀಸಾ ನಿಯಮಗಳು ಮತ್ತು ಉದ್ಯೋಗಾವಕಾಶಗಳು ಸಿಗುತ್ತವೆ.
ಡಬಲ್ ಕೊಡುಗೆ ವಿನಾಯಿತಿ
ಸೇವಾ ಪ್ರದೇಶದ ನೌಕರರ ಹಿತದೃಷ್ಟಿಯಿಂದ ಜಾರಿಗೆ ತರಲಾದ ಅತ್ಯಂತ ಪ್ರಮುಖ ನಿಯಮವೆಂದರೆ ಡಬಲ್ ಕಾಂಟ್ರಿಬ್ಯೂಷನ್ ಕನ್ವೆನ್ಷನ್ ಇದರ ಅನ್ವಯ ಬ್ರಿಟನ್ನಲ್ಲಿ ತಾತ್ಕಾಲಿಕವಾಗಿ ಕೆಲಸ ಮಾಡುವ ಭಾರತೀಯ ಐಟಿ ಅಥವಾ ಇತರೆ ಉದ್ಯೋಗಿಗಳು ಮತ್ತು ಭಾರತದಲ್ಲಿ ಕೆಲಸ ಮಾಡುವ ಬ್ರಿಟನ್ ಪ್ರಜೆಗಳು ಎರಡೂ ದೇಶಗಳಲ್ಲಿ ಏಕಕಾಲಕ್ಕೆ ಸಾಮಾಜಿಕ ಭದ್ರತೆ ಅಥವಾ ರಾಷ್ಟ್ರೀಯ ವಿಮೆ ಹಣವನ್ನು ಕಡಿತ ಮಾಡಿಕೊಳ್ಳುವ ಅಗತ್ಯವಿರುವುದಿಲ್ಲ.
ಯಾವುದೇ ಒಂದು ದೇಶದಲ್ಲಿ ಮಾತ್ರ ಪಾವತಿಸಿದರೆ ಸಾಕಾಗುತ್ತದೆ. ಇದು ಕಾರ್ಪೊರೇಟ್ ಕಂಪನಿಗಳ ವೆಚ್ಚವನ್ನು ತಗ್ಗಿಸುವುದಲ್ಲದೆ ಉದ್ಯೋಗಿಗಳಿಗೆ ಹೆಚ್ಚಿನ ಆರ್ಥಿಕ ಲಾಭ ತರಲಿದೆ.
ಬ್ರಿಟನ್ ಕಂಪನಿಗಳಿಗೆ ಭಾರತದಲ್ಲಿ ಸಿಕ್ಕ ಜಾಗತಿಕ ಮಾರುಕಟ್ಟೆ
ಭಾರತದ ಇತಿಹಾಸದಲ್ಲೇ ಮೊದಲ ಬಾರಿಗೆ ವಿದೇಶಿ ದೇಶವೊಂದಕ್ಕೆ ತನ್ನ ಕೇಂದ್ರ ಸರ್ಕಾರದ ಖರೀದಿ ಒಪ್ಪಂದಗಳಲ್ಲಿ ಮುಕ್ತವಾಗಿ ಬಿಡ್ ಮಾಡಲು ಅವಕಾಶ ನೀಡಲಾಗಿದೆ.
ಬ್ರಿಟನ್ ಮೂಲದ ದೊಡ್ಡ ಕಂಪನಿಗಳು ವಾರ್ಷಿಕ ಸುಮಾರು 38 ಬಿಲಿಯನ್ ಮೌಲ್ಯದ ಭಾರತ ಸರ್ಕಾರದ ವಿವಿಧ ಇಲಾಖೆಗಳ ಟೆಂಡರ್ಗಳಲ್ಲಿ ಭಾಗವಹಿಸಬಹುದು. ತಂತ್ರಜ್ಞಾನ ರಕ್ಷಣೆ ಮತ್ತು ಮೂಲಸೌಕರ್ಯ ವಲಯದಲ್ಲಿ ಬ್ರಿಟನ್ ಕಂಪನಿಗಳು ಭಾರತದಲ್ಲಿ ಬೃಹತ್ ಹೂಡಿಕೆ ಮಾಡಲು ಇದು ಹೊಸದಾರಿಯಾಗಿದೆ
ಚೀನಾಕ್ಕೆ ಟಕ್ಕರ್ ಕೊಡಲು ಭಾರತದ ಮಾಸ್ಟರ್ ಪ್ಲಾನ್: ರೂಲ್ಸ್ ಆಫ್ ಒರಿಜಿನ್
ಮುಕ್ತ ವ್ಯಾಪಾರ ಒಪ್ಪಂದಗಳ ದುರುಪಯೋಗವನ್ನು ತಡೆಯಲು ಭಾರತ ಸರ್ಕಾರವು ಅತ್ಯಂತ ಕಠಿಣವಾದ ರೂಲ್ಸ್ ಆಫ್ ಒರಿಜಿನ್ ನಿಯಮವನ್ನು ಅಳವಡಿಸಿದೆ. ಚೀನಾ ಅಥವಾ ಇತರ ಬೇರೆ ದೇಶಗಳು ತಮ್ಮ ದುಬಾರಿ ಉತ್ಪನ್ನಗಳನ್ನು ಬ್ರಿಟನ್ ಮೂಲಕ ಭಾರತೀಯ ಮಾರುಕಟ್ಟೆಗೆ ಕಳ್ಳಮಾರ್ಗದಲ್ಲಿ ರಫ್ತು ಮಾಡುವುದನ್ನು ತಡೆಯಲು ಈ ನಿಯಮವನ್ನು ತರಲಾಯಿತು.
ಇದರ ಪ್ರಕಾರ ಬ್ರಿಟನ್ನಿಂದ ಭಾರತಕ್ಕೆ ಬರುವ ಯಾವುದೇ ಉತ್ಪನ್ನದ ಒಟ್ಟು ಮೌಲ್ಯದಲ್ಲಿ ಕನಿಷ್ಠ ಶೇ. 35 ರಿಂದ 40 ರಷ್ಟು ಮೌಲ್ಯವರ್ಧನೆ ಬ್ರಿಟನ್ ದೇಶದ ಒಳಗಡೆಯೇ ಆಗಿರಬೇಕು. ಇದರಿಂದ ಭಾರತದ ದೇಶಿ ಮಾರುಕಟ್ಟೆಗೆ ಗರಿಷ್ಠ ಸುರಕ್ಷತೆ ದೊರೆಯುತ್ತದೆ.
ಭಾರತದ ಸೂಕ್ಷ್ಮ ವಲಯಗಳಿಗೆ ದೊರೆತ ರಕ್ಷಣೆ
ವ್ಯಾಪಾರವನ್ನು ಕೊನೆಗೊಳಿಸಿದರು ಭಾರತವು ತನ್ನ ರೈತರ ಮತ್ತು ಸಣ್ಣ ವ್ಯಾಪಾರಿಗಳ ಹಿತಾಸಕ್ತಿಯನ್ನು ಕೈಬಿಟ್ಟಿಲ್ಲ. ದೇಶದ ಆರ್ಥಿಕತೆಯ ಬೆನ್ನೆಲುಬಾಗಿರುವ ಕೆಲವು ಸೂಕ್ಷ್ಮ ವಲಯಗಳನ್ನು ಈ ಒಪ್ಪಂದದ ವ್ಯಾಪ್ತಿಯಿಂದ ಸಂಪೂರ್ಣವಾಗಿ ಹೊರಗಿಡಲಾಗಿದೆ.
ಡೈರಿ ಉತ್ಪನ್ನಗಳು: ಹಾಲು ಮೊಸರು ಬೆಣ್ಣೆ ಮತ್ತು ಗಿಣ್ಣು ಉದ್ಯಮವನ್ನು ವಿದೇಶಿ ಪೈಪೋಟಿಯಿಂದ ರಕ್ಷಿಸಲಾಗಿದೆ.
ಕೃಷಿ ಉತ್ಪನ್ನಗಳು: ಧಾನ್ಯಗಳು ಬೇಳೆಕಾಳುಗಳು ಮತ್ತು ತರಕಾರಿಗಳ ಮೇಲೆ ಯಾವುದೇ ವಿನಾಯಿತಿ ಇರುವುದಿಲ್ಲ.
ಇತರ ವಲಯಗಳು: ಚಿನ್ನ, ಬೆಳ್ಳಿ ಆಭರಣಗಳು ಮತ್ತು ಸ್ಮಾರ್ಟ್ಫೋನ್ ಉತ್ಪಾದನಾ ವಲಯಗಳನ್ನು ಈ ಒಪ್ಪಂದದಿಂದ ದೂರವಿಡಲಾಗಿದ್ದು, Make In Indiaಯೋಜನೆಗೆ ಧಕ್ಕೆಯಾಗದಂತೆ ನೋಡಿಕೊಳ್ಳಲಾಗಿದೆ
ಬೌದ್ಧಿಕ ಆಸ್ತಿ ಹಕ್ಕು ಮತ್ತು ಜನರಿಕ್ ಔಷಧಗಳ ಸವಾಲು ನಿವಾರಣೆ
ವಿಶ್ವದ ಔಷಧಾಲಯ ಎಂದು ಕರೆಸಿಕೊಳ್ಳುವ ಭಾರತವು ಬ್ರಿಟನ್ನ ಕಠಿಣ ಪೇಟೆಂಟ್ ನಿಯಮಗಳ ಒತ್ತಡಕ್ಕೆ ಮಣಿಯದೇ ತನ್ನ ಸ್ವತಂತ್ರ ನೀತಿಯನ್ನು ಕಾಯ್ದುಕೊಂಡಿದೆ. ಬ್ರಿಟನ್ನ ದೊಡ್ಡ ಫಾರ್ಮಾ ಕಂಪನಿಗಳು ತಮ್ಮ ಔಷಧಿಗಳ ಪೇಟೆಂಟ್ ಅವಧಿ ವಿಸ್ತರಣೆಗೆ ಒತ್ತಾಯಿಸಿದ್ದವು.
ಆದರೆ ಭಾರತವು ತನ್ನ ದೇಶಿ ಜನರಿಕ್ ಜೀವರಕ್ಷಕ ಔಷಧ ಉದ್ಯಮಕ್ಕೆ ಯಾವುದೇ ತೊಂದರೆಯಾಗದಂತೆ ಮಾತುಕತೆಯನ್ನು ಯಶಸ್ವಿಯಾಗಿ ಮುಗಿಸಿದೆ. ಇದರಿಂದ ಬ್ರಿಟನ್ಗೆ ಭಾರತದ ಕಡಿಮೆ ವೆಚ್ಚದ ಗುಣಮಟ್ಟದ ಔಷಧಗಳು ಸುಲಭವಾಗಿ ತಲುಪಲಿವೆ.
ಕಾನೂನು ಮತ್ತು ಹಣಕಾಸು ವಲಯದ ಮುಕ್ತತೆ
ಈ ಒಪ್ಪಂದದ ಮತ್ತೊಂದು ಐತಿಹಾಸಿಕ ಹೆಜ್ಜೆಯೆಂದರೆ, ಬ್ರಿಟನ್ನ ಕಾನೂನು ಸಂಸ್ಥೆಗಳು ಮತ್ತು ಅಂತರರಾಷ್ಟ್ರೀಯ ವಕೀಲರು ಇನ್ನು ಮುಂದೆ ಭಾರತದಲ್ಲಿ ತಮ್ಮ ಕಚೇರಿಗಳನ್ನು ತೆರೆಯಬಹುದು. ಆದರೆ, ಅವರು ಭಾರತೀಯ ನ್ಯಾಯಾಲಯಗಳಲ್ಲಿ ಸ್ಥಳೀಯ ಪ್ರಕರಣಗಳ ವಾದ ಮಂಡಿಸುವಂತಿಲ್ಲ
ಕೇವಲ ಅಂತರರಾಷ್ಟ್ರೀಯ ಕಾರ್ಪೊರೇಟ್ ವಿವಾದಗಳು, ವಿಲೀನ ಮತ್ತು ಸ್ವಾಧೀನ ಪ್ರಕ್ರಿಯೆಗಳ ಕುರಿತು ಸಲಹೆ ನೀಡಬಹುದಾಗಿದೆ. ಇದರೊಂದಿಗೆ ಬ್ರಿಟನ್ನ ಬ್ಯಾಂಕಿಂಗ್ ಮತ್ತು ವಿಮಾ ಕಂಪನಿಗಳಿಗೆ ಭಾರತದಲ್ಲಿ ಹೂಡಿಕೆ ಮಾಡಲು ಹೆಚ್ಚಿನ ಸಡಿಲಿಕೆ ನೀಡಲಾಗಿದೆ.
ಕಾವೇರಿ ನದಿ ನೀರಿನ ವಿವಾದ: ಒಣಗುತ್ತಿರುವ ಹೊಲಗಳು! ಕಾವೇರಿ ತಾಯಿಯ ಮಡಿಲಲ್ಲಿ ಮತ್ತೆ ಜಲಯುದ್ಧ
ಪರಿಸರ ಮತ್ತು ಕಾರ್ಮಿಕ ನಿಯಮಗಳಲ್ಲಿ ಭಾರತದ ರಾಜತಾಂತ್ರಿಕ ಗೆಲುವು
ಬ್ರಿಟನ್ ಸರ್ಕಾರವು ಆರಂಭದಲ್ಲಿ ಒಪ್ಪಂದದ ಭಾಗವಾಗಿ ಕಠಿಣ ಪರಿಸರ ಸ್ನೇಹಿ ನೀತಿಗಳು ಮತ್ತು ಕಾರ್ಮಿಕರ ಹಕ್ಕುಗಳ ನಿಯಮಗಳನ್ನು ಹೇರಲು ಪ್ರಯತ್ನಿಸಿತ್ತು. ಭಾರತದ ಸಣ್ಣ ಕೈಗಾರಿಕೆಗಳಿಗೆ ಇದು ಹೊರೆಯಾಗಬಹುದು ಎಂದು ಅರಿತ ಭಾರತೀಯ ರಾಜತಾಂತ್ರಿಕರು
ಹಸಿರು ತಂತ್ರಜ್ಞಾನ ವಿನಿಮಯಕ್ಕೆ ಒಪ್ಪಿಗೆ ನೀಡಿದ್ದಾರೆಯೇ ಹೊರತು ಭಾರತದ ರಫ್ತುಗಳ ಮೇಲೆ ಅನಗತ್ಯ ಕಾರ್ಬನ್ ಟ್ಯಾಕ್ಸ್ ಅಥವಾ ಪರಿಸರ ಸುಂಕ ವಿಧಿಸದಂತೆ ಬ್ರಿಟನ್ ಅನ್ನು ಒಪ್ಪಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
ಜಾಗತಿಕ ಆರ್ಥಿಕತೆಯ ಮೇಲೆ ಇದರ ಪ್ರಭಾವ ಮತ್ತು ಭವಿಷ್ಯದ ಗುರಿ
ಪ್ರಸ್ತುತ ಜಾಗತಿಕವಾಗಿ ಚೀನಾ ಪ್ಲಸ್ ಒನ್ ನೀತಿ ಜಾರಿಯಲ್ಲಿದ್ದು ಜಗತ್ತಿನ ದೊಡ್ಡ ದೇಶಗಳು ಚೀನಾಕ್ಕೆ ಪರ್ಯಾಯ ಮಾರುಕಟ್ಟೆಯನ್ನು ಹುಡುಕುತ್ತಿವೆ. ಬ್ರೆಕ್ಸಿಟ್ ನಂತರ ಯುರೋಪಿಯನ್ ಯೂನಿಯನ್ನಿಂದ ಹೊರಬಂದ ಬ್ರಿಟನ್ಗೆ ಭಾರತದಂತಹ 140 ಕೋಟಿ ಜನಸಂಖ್ಯೆಯ ದೃಢ ಆರ್ಥಿಕ ಮಾರುಕಟ್ಟೆಯ ಅಗತ್ಯವಿತ್ತು.
ಈ ಒಪ್ಪಂದದ ದೀರ್ಘಾವಧಿಯ ಲಾಭಗಳನ್ನು ನೋಡುವುದಾದರೆ ಬೇರೆ ದೇಶಗಳ ನಡುವಿನ ದ್ವಿಪಕ್ಷೀಯ ವ್ಯಾಪಾರವು ಪ್ರತಿ ವರ್ಷ ಸುಮಾರು 25.5 ಬಿಲಿಯನ್ ಹೆಚ್ಚಾಗುವ ಅಂದಾಜು ಇದೆ. 2030 ರ ವೇಳೆಗೆ ಭಾರತ ಮತ್ತು ಬ್ರಿಟನ್ ನಡುವಿನ ಒಟ್ಟು ವ್ಯಾಪಾರ ವಹಿವಾಟನ್ನು 100 ಬಿಲಿಯನ್ ಡಾಲರ್ಗೆ ದ್ವಿಗುಣಗೊಳಿಸುವ ರೋಡ್ಮ್ಯಾಪ್ 2030 ಗುರಿಗೆ ಇಂದಿನ ಜಾರಿ ಪ್ರಕ್ರಿಯೆಯು ಅತಿ ದೊಡ್ಡ ಇಂಧನ ನೀಡಿದೆ.
ಒಟ್ಟಿನಲ್ಲಿ ಹೇಳಬೇಕೆಂದರೆ ಜುಲೈ 15 2026ರಂದು ಜಾರಿಗೆ ಬಂದಿರುವ ಭಾರತ-ಯುಕೆ ಮುಕ್ತ ವ್ಯಾಪಾರ ಒಪ್ಪಂದವು ಕೇವಲ ಎರಡು ದೇಶಗಳ ನಡುವಿನ ಸರಕು ವಿನಿಮಯದ ಒಪ್ಪಂದವಲ್ಲ.
ಇದು ಜಾಗತಿಕ ಆರ್ಥಿಕ ವೇದಿಕೆಯಲ್ಲಿ ಭಾರತದ ಬೆಳೆಯುತ್ತಿರುವ ಶಕ್ತಿ ಮತ್ತು ರಾಜತಾಂತ್ರಿಕ ಪರಿಣಿತಿಗೆ ಸಾಕ್ಷಿಯಾಗಿದೆ. ದೇಶದ ರಫ್ತುದಾರರು, ಐಟಿ ಉದ್ಯೋಗಿಗಳು ಹಾಗೂ ಉದ್ಯಮಿಗಳು ಈ ಅವಕಾಶವನ್ನು ಹೇಗೆ ಬಳಸಿಕೊಳ್ಳುತ್ತಾರೆ ಎಂಬುದರ ಮೇಲೆ ಭಾರತದ ಮುಂದಿನ ಆರ್ಥಿಕ ಜಿಗಿತ ನಿರ್ಧಾರವಾಗಲಿದೆ.
