ಕಾವೇರಿ ನದಿ ನೀರಿನ ವಿವಾದ.

ಕಾವೇರಿ ನದಿಯ ಸಮಸ್ಯೆ ಹಲವು ವರ್ಷಗಳಿಂದ ನಡೆಯುತ್ತಲೇ ಇದೆ ಇದು ಕೇವಲ ಎರಡು ರಾಜ್ಯಗಳ ನಡುವೆ ಹೋರಾಟ ಅಲ್ಲ ಕೋಟ್ಯಂತರ ರೈತರ ಜೀವನದ ಹೋರಾಟ ಎಷ್ಟೋ ಜನ ಬದುಕುವುದಕ್ಕಾಗಿ ಈ ಕಾವೇರಿ ಹೋರಾಟಕ್ಕೆ ವರ್ಷಗಳಿಂದ ಹೋರಾಟ ಮಾಡುತ್ತಿದ್ದಾರೆ ಆದರೆ ರಾಜಕೀಯ ಮತ್ತು ಕಾನೂನು ಇನ್ನು ಯಾವುದೇ ತೀರ್ಮಾನ ತೆಗೆದುಕೊಂಡಿಲ್ಲ.

ಮುಂಗಾರು ಮಳೆ ಬಂದಾಗಲೆಲ್ಲ ಮತ್ತು ವಾತಾವರಣ ಬದಲಾಗುತ್ತಿರುವಹಾಗೂ ಬೆಳೆಯುತ್ತಿರುವ ನಾಗರಿಕರಣ ಆದರೂ ಸಹ ಕಾವೇರಿ ಹೋರಾಟ ಇನ್ನು ಬದಲಾವಣೆ ಆಗದೆ ಅದೇ ಸ್ಥಿತಿಯಲ್ಲಿದೆ.

2026ರ ಪ್ರಸಕ್ತ ವರ್ಷದಲ್ಲೂ ಕಾವೇರಿ ಜಲಾಶಯದ ಪ್ರದೇಶದಲ್ಲಿ ಅರಡಿಕೊಂಡಿರುವ ಮಳೆ ಕೊರತೆ ಹಾಗೂ ರಾಜಕೀಯ ಕುತಂತ್ರಗಳು ವಿವಾದವನ್ನು ಮತ್ತೊಮ್ಮೆ ಬೆರಗುಗೋಳಿಸಿದೆ . ಈ ಲೇಖನದಲ್ಲಿ ಕಾವೇರಿ ವಿವಾದದ ಇಂದಿನ ವಸ್ತುಸ್ಥಿತಿ ಕಾನೂನಾತ್ಮಕ ಹಿನ್ನೆಲೆ ತಾಂತ್ರಿಕ ಸವಾಲುಗಳು ಮತ್ತು ಇದರ ರಾಜಕೀಯ ಆಯಾಮಗಳ ಕುರಿತು ಸಮಗ್ರವಾಗಿ ವಿವರಿಸಲಾಗಿದೆ.

ಪ್ರಸ್ತುತ ಜಲಾಶಯಗಳ ಸ್ಥಿತಿ ಮತ್ತು ನೀರಿನ ಕೊರತೆ?

ಕಾವೇರಿ ಜಲಾಶಯದ ಪ್ರಮುಖ ಜಲಾಶಯಗಳಾದ ಕೃಷ್ಣರಾಜಸಾಗರ ಕಬಿನಿ, ಹೇಮಾವತಿ ಮತ್ತು ಹಾರಂಗಿ ಜಲಾಶಯಗಳಲ್ಲಿ ಪ್ರಸ್ತುತ ಸಾಲಿನಲ್ಲಿ ನೀರಿನ ಸಂಗ್ರಹ ತೀರಾ ಆತಂಕಕಾರಿಯಾಗಿದೆ. ಸಾಮಾನ್ಯವಾಗಿ ಜೂನ್ ಮತ್ತು ಜುಲೈ ತಿಂಗಳುಗಳಲ್ಲಿ ಕರ್ನಾಟಕದಲ್ಲಿ ಮುಂಗಾರು ಮಳೆ ಜೋರಾಗಿ ಆಗಬೇಕಿತ್ತು.

ಆದರೆ ಈ ಬಾರಿ ಮುಂಗಾರು ತಡವಾಗಿ ಬಂದಿರುವುದರಿಂದ ಕಾವೇರಿ ಪ್ರಮುಖ ಸ್ಥಳವಾದ ಕೊಡಗು ಮತ್ತು ಪಶ್ಚಿಮ ಘಟ್ಟಗಳ ಭಾಗದಲ್ಲಿ ಅಂದುಕೊಡಂತೆ ಪ್ರಮಾಣದಲ್ಲಿ ಮಳೆಯಾಗಿಲ್ಲ.

ಇದರಿಂದಾಗಿ ಜಲಾಶಯಕ್ಕೆ ಹೊಳಗಿನಿಂದ ಬರುವಂತಹ ನೀರು ಪ್ರಮಾಣ ಕುಸಿದಿದೆ ಸದ್ಯಕ್ಕೆ ಜಲಾಶಯಗಳಲ್ಲಿ ಒಟ್ಟು ಸಾಮರ್ಥ್ಯದ ಕೇವಲ ಶೇ. 30 ರಿಂದ 40 ರಷ್ಟು ಮಾತ್ರ ನೀರು ಕೂಡಿಕೊಂಡಿದೆ.

ಈ ಅಲ್ಪ ಪ್ರಮಾಣದ ನೀರು ಬೆಂಗಳೂರು ಮೈಸೂರು ಮಂಡ್ಯ ರಾಮನಗರ ಸೇರಿದಂತೆ ಕಾವೇರಿ ನೀರನ್ನೇ ನಂಬಿಕೊಂಡಿರುವ ಕೋಟ್ಯಂತರ ಜನರ ಕುಡಿಯುವ ನೀರಿನ ಅಗತ್ಯಗಳನ್ನು ಪೂರೈಸಲು ಮಾತ್ರ ಸಾಕಾಗುತ್ತದೆ. ಇಂತಹ ಪರಿಸ್ಥಿತಿಯಲ್ಲಿ ಕೃಷಿ ಚಟುವಟಿಕೆಗಳಿಗೆ ಅಥವಾ ತಮಿಳುನಾಡಿಗೆ ನೀರು ಹರಿಸುವುದು ಕರ್ನಾಟಕಕ್ಕೆ ದೊಡ್ಡ ಸವಾಲಾಗಿ ನಿಂತಿದೆ .

ರಾಜಕೀಯ ಕುತಂತ್ರ ಮತ್ತು ಎಚ್. ಡಿ. ಕುಮಾರಸ್ವಾಮಿ ಅವರ ಆಕ್ರೋಶ?

ಇತ್ತೀಚಿನ ದಿನಗಳಲ್ಲಿ ಕಾವೇರಿ ವಿವಾದವು ತೀವ್ರ ರಾಜಕೀಯ ಸ್ವರೂಪ ಪಡೆದುಕೊಂಡಿದೆ. ಕೇಂದ್ರ ಸಚಿವರೂ ಹಾಗೂ ಮಂಡ್ಯ ಲೋಕಸಭಾ ಕ್ಷೇತ್ರದ ಸಂಸದರೂ ಆದ ಎಚ್. ಡಿ. ಕುಮಾರಸ್ವಾಮಿ ಅವರು ಕಾವೇರಿ ಜಲಾಶಯದ ಬಗ್ಗೆ ರೈತರ ಪರವಾಗಿ ಧ್ವನಿ ಎತ್ತಿದ್ದಾರೆ.

ಮಂಡ್ಯ ಜಿಲ್ಲೆಯ ರೈತರು ಮಳೆ ಇಲ್ಲದೆ ಸಂಕಷ್ಟದಲ್ಲಿದ್ದು ಅವರ ಬೆಳೆಗಳನ್ನು ರಕ್ಷಿಸಲು ಜಲಾಶಯದಿಂದ ತಕ್ಷಣವೇ ಕಾಲುವೆಗಳಿಗೆ ನೀರು ಹರಿಸಬೇಕು ಎಂದು ಅವರು ರಾಜ್ಯ ಸರ್ಕಾರವನ್ನು ಒತ್ತಾಯಿಸಿದ್ದಾರೆ.

ಇದಕ್ಕೆ ಪ್ರತಿಯಾಗಿ ರಾಜ್ಯ ಸರ್ಕಾರದ ಸಚಿವರಾದ ರಾಮಲಿಂಗಾರೆಡ್ಡಿ ಅವರು, ಜಲಾಶಯದಲ್ಲಿ ನೀರಿನ ಮಟ್ಟ ತೀರಾ ಕನಿಷ್ಠ ಇರುವುದರಿಂದ ಪ್ರಸ್ತುತ ಕುಡಿಯುವ ನೀರಿಗೆ ಮೊದಲ ಆದ್ಯತೆ ನೀಡಬೇಕಾಗಿದೆ ಎಂದು ಸ್ಪಷ್ಟಪಡಿಸಿದ್ದಾರೆ.

ಉಪಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ಅವರು ಜುಲೈ 15 ರಂದು ನಡೆಯಲಿರುವ ಕಾವೇರಿ ನೀರು ನಿರ್ವಹಣಾ ಪ್ರಾಧಿಕಾರದ ಸಭೆಯ ನಂತರವೇ ನೀರು ಬಿಡುಗಡೆಯ ಬಗ್ಗೆ ಅಂತಿಮ ನಿರ್ಧಾರ ಕೈಗೊಳ್ಳಲಾಗುವುದು ಎಂದು ತಿಳಿಸಿದ್ದಾರೆ. ಈ ಮೂಲಕ ರಾಜ್ಯ ಸರ್ಕಾರವು ಸದ್ಯಕ್ಕೆ ರಕ್ಷಣಾತ್ಮಕ ನಿಲುವನ್ನು ಕೊಟ್ಟಿದೆ

ಕಾವೇರಿ ನ್ಯಾಯಾಧಿಕರಣ ಮತ್ತು ಸುಪ್ರೀಂ ಕೋರ್ಟ್ ಅಂತಿಮ ತೀರ್ಪು

​ಕಾವೇರಿ ನೀರಿನ ಹಂಚಿಕೆಗೆ ಸಂಬಂಧಿಸಿದಂತೆ ದಶಕಗಳ ಕಾಲ ನಡೆದ ಕಾನೂನು ಹೋರಾಟದ ನಂತರ 2018ರಲ್ಲಿ ಭಾರತದ ಸುಪ್ರೀಂ ಕೋರ್ಟ್ ಐತಿಹಾಸಿಕ ಮತ್ತು ಅಂತಿಮ ತೀರ್ಪನ್ನು ನೀಡಿತು. ಈ ತೀರ್ಪಿನ ಪ್ರಕಾರ…

• ​ಸಾಮಾನ್ಯ ಮಳೆಯ ವರ್ಷದಲ್ಲಿ ಕರ್ನಾಟಕವು ತಮಿಳುನಾಡಿಗೆ ವರ್ಷಕ್ಕೆ ಒಟ್ಟು 177.25 TMC ನೀರನ್ನು ಬಿಡುಗಡೆ ಮಾಡಬೇಕು.​

• ಈ ಒಟ್ಟು ನೀರಿನ ಪೈಕಿ ಜೂನ್ ತಿಂಗಳಿನಲ್ಲಿ 9.19 TMC ಮತ್ತು ಜುಲೈ ತಿಂಗಳಿನಲ್ಲಿ ಅತ್ಯಧಿಕ ಅಂದರೆ 31.24 TMC ನೀರನ್ನು ತಮಿಳುನಾಡಿಗೆ ಬಿಡಬೇಕಾಗುತ್ತದೆ.
• case against school principal: ಮಕ್ಕಳ ಮೇಲಿನ ಲೈಂಗಿಕ ದೌರ್ಜನ್ಯ ಮತ್ತು ಕಡ್ಡಾಯ ವರದಿ ನಿಯಮ

ಆದರೆ ಸುಪ್ರೀಂ ಕೋರ್ಟ್ ತೀರ್ಪಿನಲ್ಲಿರುವ ಪ್ರಮುಖ ತೊಂದರೆಗಳು ಮಳೆ ಕೊರತೆಯಾದ ವರ್ಷಗಳಲ್ಲಿ ನೀರನ್ನು ಹೇಗೆ ಹಂಚಿಕೊಳ್ಳಬೇಕು ಎಂಬ ನಿಖರವಾದ ಹಾಗೂ ವೈಜ್ಞಾನಿಕವಾದ ಸೂತ್ರದ ಕೊರತೆ ಇರುವುದು.

ಮಳೆ ಕಡಿಮೆಯಾದಾಗ ಉಭಯ ರಾಜ್ಯಗಳೂ ಸಮಾನವಾಗಿ ಕಷ್ಟವನ್ನು ಹಂಚಿಕೊಳ್ಳಬೇಕು ಎಂದು ತೀರ್ಪಿನಲ್ಲಿ ಹೇಳಲಾಗಿದ್ದರೂ ಪ್ರತಿ ವರ್ಷ ಮಳೆ ಕೈಕೊಟ್ಟಾಗ ತಮಿಳುನಾಡು ತನಗೆ ನಿಗದಿತ ನೀರು ಬೇಕೇ ಬೇಕು ಎಂದು ಹಠ ಮಾಡುತ್ತಲೇ ಇದೆ ಇದುವೇ ಇಂದಿನ ಸಂಘರ್ಷಕ್ಕೆ ಮೂಲ ಕಾರಣ.

ತಮಿಳುನಾಡಿನ ನಿಲುವು ಮತ್ತು ಸುಪ್ರೀಂ ಕೋರ್ಟ್ ತೆಗೆದುಕೊಂಡಿರುವ ಎಚ್ಚರಿಕೆ

ಕರ್ನಾಟಕದಲ್ಲಿ ಮಳೆಯ ಕೊರತೆಯಿದ್ದರೂ ತಮಿಳುನಾಡು ಸರ್ಕಾರವು ಕಾವೇರಿ ನೀರು ನಿಯಂತ್ರಣ ಸಮಿತಿ ಮುಂದೆ ತನ್ನ ಬೇಡಿಕೆಯನ್ನು ಮಂಡಿಸುತ್ತಲೇ ಇದೆ. ಜೂನ್ ಮತ್ತು ಜುಲೈ ತಿಂಗಳ ಕೋಟಾದ ಅಡಿ ತಮಗೆ ಸಿಗಬೇಕಾದ ಕಾವೇರಿ ನೀರನ್ನು ಕರ್ನಾಟಕ ಬಿಡುತ್ತಿಲ್ಲ ಎಂದು ತಮಿಳುನಾಡು ಆರೋಪಿಸಿದೆ.

ಮೆಟ್ಟೂರು ಜಲಾಶಯದಲ್ಲಿ ನೀರಿನ ಮಟ್ಟ ಕುಸಿದಿರುವುದರಿಂದ ಅಲ್ಲಿನ ಕುರುಂವೈ ಬೆಳೆಗಳು ಒಣಗುತ್ತಿವೆ ಎಂಬುದು ತಮಿಳುನಾಡಿನ ಅಸಮಾಧಾನ. ಕಾವೇರಿ ನೀರು ನಿರ್ವಹಣಾ ಪ್ರಾಧಿಕಾರವು ಕರ್ನಾಟಕಕ್ಕೆ ನೀರು ಬಿಡಲು ಆದೇಶಿಸದಿದ್ದರೆ ತಮಿಳುನಾಡು ಸರ್ಕಾರವು ಮತ್ತೊಮ್ಮೆ ಸುಪ್ರೀಂ ಕೋರ್ಟ್ ಮೆಟ್ಟಿಲೇರಲು ಸಿದ್ಧತೆ ನಡೆಸುತ್ತಿದೆ. ಇದು ಕರ್ನಾಟಕದ ಮೇಲೆ ಮತ್ತಷ್ಟು ಕಾನೂನು ಒತ್ತಡವನ್ನು ತರಲಿದೆ.

ತಾಂತ್ರಿಕ ಆತಂಕ ಮತ್ತು ಡೆಡ್ ಸ್ಟೋರೇಜ್ ಸ್ಥಿತಿ

ಯಾವುದೇ ಜಲಾಶಯದಲ್ಲಿ ನೀರನ್ನು ಸಂಪೂರ್ಣವಾಗಿ ಖಾಲಿ ಮಾಡಲು ಸಾಧ್ಯವಿಲ್ಲ. ಜಲಾಶಯದಲ್ಲಿ ಅತ್ಯಂತ ಕನಿಷ್ಠ ಮಟ್ಟಕ್ಕೆ ನೀರು ತಲುಪಿದಾಗ ಅದನ್ನು ‘ಡೆಡ್ ಸ್ಟೋರೇಜ್’ ಎಂದು ಕರೆಯಲಾಗುತ್ತದೆ. ಈ ಹಂತದಲ್ಲಿ ಜಲಾಶಯದ ತಳಭಾಗದಲ್ಲಿ ಕೆಸರು ಮಿಶ್ರಿತ ನೀರು ಇರುತ್ತದೆ ಇದನ್ನು ಕುಡಿಯಲು ಬಳಸಲು ಸಾಧ್ಯವಿಲ್ಲ.

ಪ್ರಸ್ತುತ ಕರ್ನಾಟಕದ ಜಲಾಶಯಗಳಲ್ಲಿ ನೀರಿನ ಮಟ್ಟ ಡೆಡ್ ಸ್ಟೋರೇಜ್‌ಗಿಂತ ಕೇವಲ ಕೆಲವು ಅಡಿಗಳಷ್ಟೇ ಮೇಲಿದೆ. ಇಂತಹ ಪರಿಸ್ಥಿತಿಯಲ್ಲಿ ಕಾಲುವೆಗಳಿಗೆ ನೀರು ಹರಿಸಿದರೆ ಅಥವಾ ತಮಿಳುನಾಡಿಗೆ ಬಿಟ್ಟರೆ ಬೆಂಗಳೂರು ಮತ್ತು ಮೈಸೂರಿನಂತಹ ಮಹಾನಗರಗಳಿಗೆ ಕುಡಿಯುವ ನೀರು ಸಂಪೂರ್ಣವಾಗಿ ನಿಲ್ಲುವ ಭೀತಿಯಿದೆ.

ಕುಡಿಯುವ ನೀರು ಮಾನವನ ಮೂಲಭೂತ ಹಕ್ಕಾಗಿದ್ದರಿಂದ ಸರ್ಕಾರಕ್ಕೆ ಕೃಷಿಗಿಂತ ಕುಡಿಯುವ ನೀರನ್ನು ಕಾಯ್ದುಕೊಳ್ಳುವುದು ಅನಿವಾರ್ಯವಾಗಿದೆ.

ಮೇಕೆದಾಟು ಯೋಜನೆ ಮತ್ತು ನದಿ ಜೋಡಣೆ ವಿವಾದ

ಕಾವೇರಿ ವಿವಾದಕ್ಕೆ ಶಾಶ್ವತ ಪರಿಹಾರ ಕಂಡುಕೊಳ್ಳಲು ಕರ್ನಾಟಕ ಸರ್ಕಾರವು ಮೇಕೆದಾಟು ಸಮತೋಲನ ಜಲಾಶಯ ನಿರ್ಮಾಣ ಯೋಜನೆಯನ್ನು ಜಾರಿಗೆ ತರಲು ಶ್ರಮಿಸುತ್ತಿದೆ.

• ಮೇಕೆದಾಟು ಯೋಜನೆಯ ಲಾಭಗಳು: ಸುಮಾರು 67 TMC ಸಾಮರ್ಥ್ಯದ ಈ ಜಲಾಶಯವನ್ನು ನಿರ್ಮಿಸುವುದರಿಂದ ಮಳೆಗಾಲದಲ್ಲಿ ಸಮುದ್ರಕ್ಕೆ ಹರಿದು ವ್ಯರ್ಥವಾಗುವ ನೀರನ್ನು ಸಂಗ್ರಹಿಸಬಹುದು. ಇದನ್ನು ಕಷ್ಟಕಾಲದಲ್ಲಿ ತಮಿಳುನಾಡಿಗೆ ಬಿಡಲು ಮತ್ತು ಬೆಂಗಳೂರಿನ ಕುಡಿಯುವ ನೀರಿನ ಬಳಕೆಗೆ ಉಪಯೋಗಿಸಬಹುದು.

• ​ತಮಿಳುನಾಡಿನ ವಿರೋಧ: ಆದರೆ ತಮಿಳುನಾಡು ಈ ಯೋಜನೆಗೆ ರಾಜಕೀಯ ಕಾರಣಗಳಿಗಾಗಿ ತೀವ್ರ ವಿರೋಧ ವ್ಯಕ್ತಪಡಿಸುತ್ತಿದೆ.

ಇದರ ಜೊತೆಗೆ ಇತ್ತೀಚೆಗೆ ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳ ಮಟ್ಟದಲ್ಲಿ ಚರ್ಚೆಯಾಗುತ್ತಿರುವ ಸುಮಾರು 1 ಲಕ್ಷ ಕೋಟಿ ರೂ. ವೆಚ್ಚದ ಕಾವೇರಿ ಕೃಷ್ಣಾ ಗೋದಾವರಿ ನದಿ ಜೋಡಣೆ ಯೋಜನೆಗೆ ಕರ್ನಾಟಕ ಒಪ್ಪಿಗೆ ನೀಡಿರುವುದು ವಿವಾದಕ್ಕೆ ಹೊಸ ತಿರುವು ನೀಡಿದೆ.

ಈ ಯೋಜನೆಯಿಂದ ಕರ್ನಾಟಕಕ್ಕೆ ಕೇವಲ ಅಲ್ಪ ಪ್ರಮಾಣದ ನೀರು ಸಿಗಲಿದ್ದು, ಇದನ್ನು ಕೃಷಿಗೆ ಬಳಸದಂತೆ ನಿಬಂಧನೆಗಳಿರುವುದರಿಂದ ರಾಜ್ಯದ ಹಿತಾಸಕ್ತಿಗೆ ಧಕ್ಕೆಯಾಗಲಿದೆ ಎಂದು ಎಚ್.ಡಿ. ಕುಮಾರಸ್ವಾಮಿ ಟೀಕಿಸಿದ್ದಾರೆ.

ರೈತರ ಆಕ್ರೋಶ ಮತ್ತು ಮುಂದಿನ ದಾರಿ?

ಮಂಡ್ಯ, ಮೈಸೂರು ಮತ್ತು ಚಾಮರಾಜನಗರ ಜಿಲ್ಲೆಗಳ ಕಾವೇರಿ ಕೊಳ್ಳದ ರೈತರು ಈಗಾಗಲೇ ರಸ್ತೆಗಿಳಿದು ಪ್ರತಿಭಟನೆ ನಡೆಸಲು ಸಿದ್ಧತೆ ನಡೆಸುತ್ತಿದ್ದಾರೆ. ತಮ್ಮ ಬೆಳೆಗಳಿಗೆ ನೀರು ಸಿಗದಿದ್ದರೆ ಉಗ್ರ ಹೋರಾಟ ಮಾಡುವುದಾಗಿ ರೈತ ಸಂಘಟನೆಗಳು ಎಚ್ಚರಿಕೆ ನೀಡಿವೆ.

ಮುಂದಿನ ದಿನಗಳಲ್ಲಿ ಮಳೆ ಚುರುಕಾಗದಿದ್ದರೆ ಕರ್ನಾಟಕ ಸರ್ಕಾರಕ್ಕೆ ಇದು ದೊಡ್ಡ ತಲೆನೋವಾಗಿ ಪರಿಣಮಿಸಲಿದೆ. ಕಾವೇರಿ ಪ್ರಾಧಿಕಾರದ ನಿರ್ಧಾರದ ಮೇಲೆ ಎಲ್ಲವೂ ಅವಲಂಬಿತವಾಗಿದ್ದು, ರಾಜ್ಯ ಸರ್ಕಾರವು ಸರ್ವಪಕ್ಷ ಸಭೆಯನ್ನು ಕರೆದು ಒಮ್ಮತದ ತೀರ್ಮಾನ ಕೈಗೊಳ್ಳಬೇಕಾದ ಅಗತ್ಯವಿದೆ.

ಈ ಜಲ ಸಂಕಷ್ಟಕ್ಕೆ ಕೇವಲ ರಾಜಕೀಯ ಆರೋಪ-ಪ್ರತ್ಯಾರೋಪಗಳು

ತಾತ್ಕಾಲಿಕ ಕಾನೂನು ಹೋರಾಟಗಳು ಮಾತ್ರವೇ ಶಾಶ್ವತ ಪರಿಹಾರ ನೀಡಲಾರವು. ದೀರ್ಘಕಾಲೀನ ಹಿತದೃಷ್ಟಿಯಿಂದ ನಾವು ನೀರಿನ ಮಿತಬಳಕೆ ಮತ್ತು ವೈಜ್ಞಾನಿಕ ನಿರ್ವಹಣೆಯತ್ತ ಗಂಭೀರವಾಗಿ ಗಮನಹರಿಸಬೇಕಿದೆ.​

ಕಾವೇರಿ ಕೊಳ್ಳದ ರೈತರು ಸಾಂಪ್ರದಾಯಿಕ ನೀರಾವರಿ ಪದ್ಧತಿಯಿಂದ ಹನಿ ನೀರಾವರಿ ತಂತ್ರಜ್ಞಾನಕ್ಕೆ ಬದಲಾಗಬೇಕು ಹಾಗೂ ಕಡಿಮೆ ನೀರು ಬೇಡುವ ಪರ್ಯಾಯ ಬೆಳೆಗಳನ್ನು ಬೆಳೆಯಲು ಆಸಕ್ತಿ ತೋರಬೇಕು.

ಮತ್ತೊಂದೆಡೆ, ಬೆಂಗಳೂರಿನಂತಹ ಬೃಹತ್ ನಗರಗಳಲ್ಲಿ ಮಳೆ ನೀರು ಕೊಯ್ಲು ಯೋಜನೆಯನ್ನು ಕಡ್ಡಾಯವಾಗಿ ಅನುಷ್ಠಾನಗೊಳಿಸಿ ಕೆರೆಗಳನ್ನು ಪುನಃ ಕಟ್ಟಿಸಬೇಕು. ಈ ಮೂಲಕ ಕಾವೇರಿ ನದಿಯ ಮೇಲಿನ ಅವಲಂಬನೆಯನ್ನು ತಗ್ಗಿಸಿ, ಭವಿಷ್ಯದ ಜಾಲಕ್ಷೇಮವನ್ನು ತಡೆಯಲು ಬೇರೆ ರಾಜ್ಯಗಳ ಹೊಂದಾಣಿಕೆ ಪ್ರಯತ್ನ ಅತ್ಯಗತ್ಯವಾಗಿದೆ.

ಕಾವೇರಿ ಕೇವಲ ನೀರಿನ ಹನಿಗಳಲ್ಲ, ಅದು ಲಕ್ಷಾಂತರ ರೈತರ ಕಣ್ಣೀರು ಮತ್ತು ಕನ್ನಡಿಗರ ಜೀವಜಲ ಪ್ರಕೃತಿಯ ಮುನಿಸು ಮತ್ತು ರಾಜಕೀಯ ಹಿತಾಸಕ್ತಿಗಳ ನಡುವೆ ಕಾವೇರಿ ತಾಯಿ ಕನ್ನಡಿಗರ ದಾಹವನ್ನು ಮತ್ತು ರೈತರ ಒಣಗುತ್ತಿರುವ ಹೊಲಗಳನ್ನು ರಕ್ಷಿಸಲಿ ಎಂಬುದೇ ಸದ್ಯದ ಎಲ್ಲರ ಪ್ರಾರ್ಥನೆಯಾಗಿದೆ.